[Verse 1]
Tirik ang araw habang ikaw ang kasama
Hawak kamay sabay napapatalon sa saya
'Di alintana ang mainit na panahon
Basta't kasama ka, ligaya ang nadarama

[Pre-Chorus]
Sa tuwing ikaw ang nakikita, nabubuo ang aking araw
Sa pagsapit ng gabi, ikaw ang laging hanap-hanap
At nais makita muli

[Chorus]
Ngunit ngayo'y mag-isa na akong sumasayaw sa ilalim ng araw
Dati'y kasama ka pero ngayo'y 'di na kita matanaw
Ang hiling ko sayo'y bumalik sa 'king piling
Sa paglubog ng araw sana ay makita muli
Ang iyong ngiti...

[Verse 2]
Naaalala ko pa ang ating huling sayaw
Habang nagtatapat ng ating nararamdaman
Gusto kong mayakap ka at kasama kang muli
Kahit gaano pa kalalim ang gabi

[Pre-Chorus]
Ang iyong mga mata'y kumikinang na parang talang nakakaakit
Ngunit bumabalik ang nakaraang punong-puno ng
Pighati at sakit

[Chorus]
Ngayon ay sa buwan nakatingin umaasang ika'y bumalik
Alaala nating dalawa ang hanap ng puso kong sabik
Dahil ikaw parin sigaw ng damdamin
Sa pagsikat ng araw hiling ko ay ikaw muli
Ang makatabi...

[Pre-Chorus]
Ang iyong mga mata'y kumikinang na parang talang nakakaakit
Ngunit bumabalik ang nakaraang punong-puno ng
Pighati at sakit

[Chorus]
Ngunit ngayo'y mag-isa na akong sumasayaw sa ilalim ng araw
Dati'y kasama ka pero ngayo'y 'di na kita matanaw
Sana alam mo na mahal parin kita
Sa paglubog ng araw ang alaala natin
Ay aking buburahin...